سۆڭەك كىسەللىكلەرسۆڭەك كېسەللىكلىرى
يەللىك بوغۇم ئاغرىقى بارلار بېلىق گۆشىدىن پەرھىز تۇتۇشى كېرەك
بېلىق گۆشى تەركىبىدە كاربون سۇ بىرىكمىلىرىنىڭ مىقدارى ئاز ، ئاقسىلنىڭ مىقدارى كۆپ بولۇپ ، ئەگەر ئاقسىل بەدەندە تولۇق پارچىلىنالماي قالسا ، كۆپ مىقداردا سۈيدۈك كىسلاتاسىنى ھاسىل قىلىدۇ .ئۇنىڭدىن باشقا يەنە بېلىق گۆشىنىڭ تەركىبىدە پۇرىن ماددىسىمۇ كۆپ بولغاچقا ، يېتەرلىك كاربون سۇ بىرىكمىلىرىنىڭ ياردىمى بولمىسا ، پۇرىن مېتابولىزىمى توسقۇنلۇققا ئۇچراپ ، بەدەندە پۇرىن كۆپىيىپ كېتىدۇ .يەللىك بوغۇم ئاغرىقى بولسا دەل پۇرىن مېتابولىزىمىنىڭ توسقۇنلۇققا ئۇچرىشى ۋە سۈيدۈك كىسلاتاسىنىڭ كۆپىيىپ كېتىشى سەۋەبىدىن بولىدىغانبولغاچقا ، بېلىق گۆشىنى كۆپ ئىستېمال قىلغاندا ، يەللىك بوغۇم ئاغرىقىنى ئېغىرلاشتۇرۇۋېتىدۇ . شۇڭا يەللىك بوغۇم ئاغرىقى بارلار بېلىق گۆشىدىن پەرھىز تۇتۇشى كېرەك .
