جىگەر ئىنسان بەدىنىدىكى مۇھىم رەئىس ئەزا بولۇپ، يېمەكلىكلىرى پىششىقلاپ پۈتۈن بەدەنگە ئۇزۇقلۇق قىلىپ يەتكۈزۈپ بېرىدۇ ۋە ئۇنى ئۆستۈرىدۇ، تەرەققىي قىلدۇرىدۇ. شۇنىڭدەك جىگەر يەنە قاننىڭ ئامبىرى بولۇپ ھېسابلىنىدۇ. تۆت خىلىت (قان، سەپرا، بەلغەم، سەۋدا) دەسلەپتە جىگەردە ھاسىل بولىدۇ، بولۇپمۇ سەپرا خىلىتى كۆپرەك جىگەردە پەيدا بولىدۇ. جىگەردە تۈرلۈك خىلدىكى مىزاج بۇزۇلۇش خارەكتېرلىك كېسەللەر، خىلىت (ماددا) تىن باشقا سەۋەبلەردىن بولغان كېسەللىكلەر پەيدا بولىدۇ.
