قورساق بەك توق ھالەتتە جىنسىي ئالاقە قىلماسلىق كېرەك چۈنكى ئۇ ھەزىمگە توسقۇنلۇق قىلىپ توقلۇق ئۈستىگە ھەرىكەت قىلىشتىن كېلىپ چىقىدىغان كېسەللىكلەرگە تېز ۋە قاتتىق تەسىر قىلىدۇ. ئەگەر قورساق توق ۋاقىتتا جىما قىلىشقا توغرا كەلسە، تاماقنىڭ ئاشقازانغا ئورۇنلىشىۋېلىشى ۋە تاماقنىڭ ئاشقازاندا لەيلىۋالماسلىقى ئۈچۈن يەڭگىل ھەرىكەت قىلغاندىن كېيىن، ئىمكان بار ئۇخلىشى كېرەك. ئاچ قورساق جىنسىي ئالاقە قىلماسلىق كېرەك. چۈنكى بۇمۇ زىيانلىق بولۇپ، تەبىئەتكە بەك ئېغىر كېلىدۇ، تەبىئىي يوقىتىدۇ ۋە ئورۇقلاشنى كەلتۈرۈپ چىقىرىدۇ.
لېكىن جىنسىي ئالاقە قىلىش ۋاقتى تاماق ئاشقازاندىن پەسكە چۈشۈشكە باشلاپ بىرىنچى ۋە ئىككىنچى ھەزىم تاماملانغاندىن كېيىن ئۈچىنچى ھەزىم ئوتتۇرىدا بولۇشى كېرەك. ئۈچىنچى ھەزىم تۈرلۈك كىشىلەردە تۈرلۈكچە بولىدۇ. ‹جىنسىي ئالاقە ھەر جەھەتتىن ھەزىم تولۇق بولغاندىن كېيىن بولۇشى كېرەك› دېگەن كىشىنىڭ سۆزلىرى ئېتىبارغا ئېلىنمايدۇ. چۈنكى ئۇ ۋاقىت قورساق ئاچقان ۋاقىتتۇر. بۇ ۋاقىتتا سىڭدۈرۈش باشلىنىپ بارلىق ئەزالاردا ھەزىم قىلىش ئارقىلىق غىزا قالدۇقى قالغان بولىدۇ.
شۇنداق ئادەملەر باركى ئۇلاردا بۇ خىل ھالەتنىڭ ۋاقتى كېچىنىڭ ئەۋۋىلىگە توغرا كېلىدۇ. يۇقىرىدا ئېيتىلغانلارغا ئاساسەن بۇ ۋاقىت ئۇلار ئۈچۈن جىنسىي ئالاقىگە ئەڭ مۇۋاپىق ۋاقىت بولىدۇ. ئىككىنچى تەرەپتىنمۇ پايدىسى بار، ئۇ بولسىمۇ جىنسىي ئالاقىدىن كېيىن كىشى ئۇزۇن ئۇيقۇدا بولۇپ قۇۋۋەت توپلىنىپ كېلىدۇ. ئايال ئۇخلىغانلىقى ئۈچۈن بالىياتقۇدا ئۇرۇق ئورۇنلىشىدۇ.
جىنسىي ئالاقە ھەقىقىي ئىستەك بىلەن بولۇشى كېرەك، قاراش، ئويلاش، سىيلاش، قىچىقلاش نەتىجىسىدە قوزغالغان سۈنئى ئىستەك بولماسلىقى، بەلكى ئۇنى مەنىينىڭ كۆپلۈكى ۋە بەدەننىڭ كۈچ قۇۋۋەت ۋە ماددىلارغا تولۇشى قوزغىغان بولۇشى كېرەك. ئەنە شۇنداق ئۇسۇللاردا ئېلىپ بېرىلغان جىنسىي ئالاقىنىڭ ھەممىسى ھەقىقەتەن ئەرلەر قۇۋۋىتىنىڭ ساغلام بولۇشىغا ياردەم بېرىدۇ.
ئاشقازان بۇزۇلغاندىن كېيىن قۇسۇش، ئىچ سۈرۈش، خولىرا ۋە قانلىق ئىچ سۈرۈشتىن ئىبارەت كۈچلۈك بوشتىشتىن كېيىن، جىسمانىيي ھەرىكەتلەر ۋە كۈچلۈك دەرىجىدە ھاياجانلىنىش (كۈچلۈك ھاياجانلىنىشلار) دىن كېيىن جىنسىي مۇناسىۋەت قىلماسلىق كېرەك. كىچىك تەرەت ۋە چوڭ تەرەت قىستاۋاتقان چاغدا، قان ئالدۇرغان چاغدا جىنسىي ئالاقىدىن قەتئىي ساقلىنىش كېرەك.
ئۇزۇنغا سوزۇلغان ئىچ سۈرۈشكە كەلسەك، بۇ چاغدا جىنسىي مۇناسىۋەت قىلىش بەدەننى قۇرۇتۇشى، ئۈچەينىڭ ماددىنى قارشى يۆلىنىشىگە تارتىشى بىلەن ئىچىنى قاتۇرىدۇ.
بەك ئىسسىق ۋاقىتتا، بەك ئىسسىق مۇھىتتا جىنسىي مۇناسىۋەتتىن قېچىش كېرەك. ئەر كىشىنىڭ بەدىنى قىزىپ ياكى سوۋۇپ تۇرغاندا جىنسىي ئالاقە قىلماسلىق كېرەك. بىراق، بەدەن قىزىق ھالەتتە قىلغان جىنسىي مۇناسىۋەت بەدەن سوۋۇغان ھالەتتە قىلغان جىنسىي مۇناسىۋەتتىن بىخەتەررەك. مۆتىدىل مىزاجلىق كىشىلەرگە جىنسىي مۇناسىۋەتنىڭ تەجرىبىدىن ئۆتكەن ئەڭ ياخشى ۋاقتى، بىر مەزگىل جىما قىلماي ۋاقىتنى ئۆتكۈزگەندىن كېيىن جىما قىلىش، ئۆزى يەڭگىل، تېنى ساغلام، ھېس تۇيغۇلىرى ئۆتكۈر چاغلاردا جىما قىلىشتۇر.
سېمىز كىشىلەر جىنسىي ئىقتىداردا ئۇرۇق كىشىلەردىن ئاجىزراق، جىنسىي مۇناسىۋەتنى كۆپ قىلماقچى بولغان كىشى ئاز تەرلەش تەرلىتىدىغان مۇنچىغا ئاز چۈشۈش، مۇمكىن بولسا قان ئالدۇرماسلىق، ئىسسىق تەبىئەتلىك ياغلار بىلەن ئىككى تاپاننى ياغلاش بىلەن مىزاجنى ياخشىلاش كېرەك. شۇنداق قىلىش ھەقىقەتەن بۆرەكنى ۋە مەنىي قاچىسىنى كۈچەيتىدۇ.
مەنبەسى: قولۇمدا ساقلىنىۋاتقان ئۇيغۇر تېبابىتىگە ئائىت قوليازمىلاردىن پەقىر تەييارلىدى.
