بابۇنەنىڭ تەبىئتى،خۇسۇسىيتى ۋە شىپالىق رولى ھەققىدە

ئەرەبچە نامى:مفرھ القلب ھندى

پارىسچە  نامى:بادرنگ بويە ھندى

ئوردوچە نامى:ترەگربە ھندى،بادرنجبويە ھىندى

ئىنگىلىزچە نامى:

تونۇش:كالپۇكسىمان گۈللۈكلەر ئائىلىسىدىكى بىر يىللىق سامان غوللۇق ئۆسۈملۈك بادرەنجى بۇيىنىڭ پۈتۈن چۆپى.

چىقىش ئورنى:ياۋروپا،ئىران،ھىندىستان قاتارلىق جايلاردىن چىقىدۇ.

دورا ئەشياسىنىڭ شەكلى:غولى تىك،چاسا شەكىلدە بولۇپ،ئۇزۇنلۇقى،40~30 سانتىمىتېركېلىدۇ،سۇندۇرۇلغان يۈزى ئاق رەڭلىك بولىدۇ،يوپۇرمىقى ئۇدۇل ئۆسىدۇ،كۆپلىرى تۆكۈلۈپ كەتكەن ياكى قۇرۇغاندا ئۇۋۇلۇپ كەتكەن بولىدۇ،تۆكۈلۈپ كەتمىگەن ساقلىرى تىمىنە شەكىللىك بولۇپ،ئۇزۇنلۇقى 4.5~2 سانتىمىتېر قىرلىق بولىدۇ،گۈللىرى ئاق ياكى ئاچ قىزىل خۇشپۇراقلىق،تەمى تاتلىق كېلىدۇ.

تەبىئىتى:ئىككىنچى دەرىجىدە ھۆل ئىسسىق.

خۇسۇسىيتى:قان تازىلاش،خۇشلۇق كەلتۈرۈش،مېڭە ۋە يۈرەكنى قۇۋەتلەش،سەۋدانى تازىلاش،زەھەر قايتۇرۇش،ماددىلارنى تارقىتىش،ئېغىزنى خۇشپۇراق قىلىش.

ئىشلىتىلىشى:يۈرەك ئاجىزلىقى،زىققە،بەلغەم ۋە سەۋدا مەنبەلىك باشقا كېسەللىكلەرنى داۋالاشقا ئىشلىتىلىدۇ.

مىقدارى:7~5  گرام

دىققەت قىلىدىغان ئىشلار:كۆپ ئىشلىتىلسە باشنى ئاغرىتىدۇ

ئورۇن باسارى:رەيھان

تۈزەتكۈچىسى:كۇندۇر