* يۇقۇرى قان بېسىم ۋە دىئابىت بىمارلىرى ئۈجمە غازىڭىنى قۇرۇتۇپ قويۇپ چاي دەملەپ ئىچىپ بەرسە ماس كىلىدۇ.
* ئىسسىقتىن تولا زۇكام بولىدىغانلار، ئاسان قوقاق تېگىدىغانلار لېموندا چاي دەملەپ ئىچسە ماس كىلىدۇ.
* ھازىر بىھى پىشىپتۇ. ئۆت ياللۇقى، جىگەر خىزمىتى ياخشى بولمىغانلار، كۆڭلى ئىلىشىپ بىئارا بولىدىغانلار، قورسىقى ئاچمايدىغانلار، سىزىكى بارلار بىھىنى قاينىتىپ تەمىنى چىقىرىپ چاي قىلىپ ئىچسە ماس كىلىدۇ.
* ئاشقازان، بۆرەك، بالياتقۇ سوغۇق، پۇت-قولى ئىسسىمايدىغانلار: قەلەمپۇر، قوۋزاقدارچىن، خۇلۇنجان، زەپە، ماكا، تاتلىق توشقان زەدىكى، ئالقات، ئارپابەدىيان دېگەنلەردىن مۇۋاپىق تەڭشەپ چاي دەملەپ ئىچىپ بەرسە ماس كىلىدۇ.
* ئۇيقۇسى ئاز، نېرۋا-يۈرەك ئاجىزلار: لاچىندانە، رەيھان، ئۇستىقۇددۇس، قىزىلگۈل، گاۋزىبان، سۈپەتلىك قىزىل چايلار بىلەن تەڭشەپ چاي قىلىپ ئىچسەڭلار ماس كىلىدۇ.
* ئاشقازان ئاجىز، تاماق ئاسان ھەزىم بولمايدىغانلار: پىننە، سۈپەتلىك قاراچاي، زىرە قوشۇپ دەملەپ ئىچىپ بەرسەڭلار ماس كىلىدۇ.
* قەۋزىيەت، ئۆت ياللۇقى، سېمىزلىك، تولا گال ئاغرىيدىغانلارغا يالپۇز دەملەپ ئىچسەڭلار ماس كىلىدۇ.
* تولا ئۇسسايدىغان، كومپيۇتېر ئالدىدا ئۇزۇن ئولتۇرىدىغانلار ئۈرۈك قېقى-گۈلىنى چىلاپ قويۇپ چاي ئىچىپ بىرىڭلار!
* تەبىي مېۋە چاي دەملەپ ئىچىش ئۈچۈن: چىلان، قىزىل ئۈزۈم، گۈلە دېگەنلەرنى ئىككى سائەت چىلاپ قويۇپ ، قاينىتىپ تەمىنى چىقىرىپ ئىچىپ بەرسە ھەر خىل ئوزۇقلارنى تولۇقلايدۇ ھەم ئۇسسۇزلۇقنى باسىدۇ. بۇنىڭغا سۈپەتلىك قىزىلچايدىن بىرە قوشۇپ سىلىپ بىللە قاينىتىپ دەملىسە تەمى ھەم رەڭگى ئوبدان كىلىشىدۇ. زەپەدىن، قىزىلگۈل غۇنچىسىدىن ئازىراق قوشۇۋەتسە تېخىمۇ ئېسىل بولىدۇ. قەنت سىلىپ ئىچىشنىڭ پەقەتلا ھاجىتى قالمايدۇ.
* ئىسسىقچان كىشىلەر بىر ئىستاكانغا بىر چىمدىم يېشىلچاي، بىر تال چىلان، بىر تىلىم لېمون سىلىپ دۈملەپ قويۇپ ئىچىپ بەرسە ئىسسىقنى ئالىدۇ. قوقاقنى قايتۇرىدۇ. جىگەر ۋە قان تومۇرلارنى ئاسرايدۇ.
