ھازىر، نۇرغۇنلىغان كىشىلەر يېڭى بىر خىل چېنىقىش ئۇسۇلى بولغان پەلەمپەيدىن چىقىپ-چۈشۈشنى سىناپ كۆرمەكتە.
10 مىنۇت پەلەمپەيدىن چىققاندا، 200 كالورىيە ئىسسىقلىق مىقدارىنى خوراتقىلى، پەلەمپەيدىن چۈشكەندىكى خورايدىغان ئىسسىقلىق مىقدارى چىققاندىكىنىڭ 3/1 گە توغرا كېلىدىغان بولۇپ، ناھايىتى ياخشى بولغان چېنىقىش ئۇسۇلى ھېسابلىنىدۇ. بۇ خىل ھەرىكەت ئوكسىگېنلىق مېتابولىزم ھەرىكىتى بولۇپ، بەدەندىكى ئارتۇقچە مايلارنى خورىتىپ، يۈرەك، ئۆپكىنىڭ ئىقتىدارىنى كۈچەيتىدۇ. شۇنىڭ بىلەن بىر ۋاقىتتا، پەلەمپەيدىن چىقىپ-چۈشكەندە خورىغان ئىسسىقلىق ئادەتتىكى سەيلە قىلغان چاغدا خورىغان ئىسسىقلىقنىڭ 4 ھەسسىگە توغرا كېلىدۇ، يۈگۈرگەندە خورىغان ئىسسىقلىقتىن %29 ئارتۇق بولۇپ، سېمىزلىكنىڭ ئالدىنى ئېلىش ۋە ئۇنى داۋالاش ئۈچۈن تولىمۇ مەنپەئەتلىك چېنىقىش ئۇسۇلىدۇر. ئادەم ئوتتۇرا ياشتىن ئاشقاندا، ھەرىكىتى نىسبەتەن ئازلاپ كېتىدۇ. ئەمما، داۋاملىق پەلەمپەيدىن چىقىپ-چۈشۈپ بەرگەندە، تاجسىمان ئارتېرىيەنىڭ قان ئايلىنىش ئەھۋالىنى ياخشىلاپ، تاجسىمان يۈرەك كېسىلىگە گىرىپدار بولۇشنىڭ ئالدىنى ئالغىلى بولىدۇ.
ئەمما، پەلەمپەيدىن چىقىپ-چۈشكەندە سۈرئەت ئاستىراق، تەكشى، رىتىملىق بولغىنى ئەۋزەل. بۇنداق بولغاندا، بەل-دۈمبە مۇسكۇللىرىنىڭ كۈچىنى ۋە پۇت-پاچاق مۇسكۇل-تارىمۇشلىرىنىڭ ھەرىكەتلىنىش ئىقتىدارىنى كۈچەيتكىلى ھەمدە بوغۇملارنىڭ جانلىقلىقىنى ساقلاپ قالغىلى بولىدۇ. بۇ خىل چېنىقىش ئۇزاق داۋاملاشتۇرۇلسا، پۇت-پاچاقلارغا يەنىمۇ ماغدۇر كىرىپ، پۈتۈن بەدەن كۈچلىنىپ كېتىدۇ. بىراق شۇنىڭغا دىققەت قىلىش كېرەككى، ھەر قېتىملىق پەلەمپەيدىن چىقىپ-چۈشۈش ۋاقتى ئۇزاق بولۇپ كەتسە بولمايدۇ. ئادەتتە، 20-10 مىنۇت بولسىلا كۇپايە، چىقىپ-چۈشۈش سۈرئىتى چوقۇم مۇۋاپىق بولۇشى، بەك زورۇقماسلىق لازىم. چىقىپ-چۈشكەندە، قەدەمنى مەزمۇت، پۇختا ئېلىش، بىخەستىلىك قىلىپ يىقىلىپ زەخىملىنىشتىن ساقلىنىش كېرەك.
