قارىئۆرۈك

قارىئۆرۈك

ئىلمىي نامى: Fructus Prunus domisticca

باشقا ئاتىلىشى: ئالوسىيا، ئالو بۇخار، ئالۇ بالۇ.

تۈركچە نامى: Siyah erik

ئىنگىلىزچە نامى: Garfen plun

خەنزۇچە نامى:酸梅（suan mei）

تونۇش: بۇ، ئەتىرگۈل ئائىلىسىدىكى ئۆسۈملۈك قارىئۆرۈك دەرىخىنىڭ مېۋىسى.

چىقىش ئورنى: شەرقىي تۈركىستان قاتارلىق ئوتتۇرا ئاسىيادىكى كۆپ قىسىم دۆلەتلەردىن چىقىدۇ.

يېغىپ ساقلاش: مېۋىسى پىشقاندا يېغىۋېلىپ، قۇرۇتۇپ ساقلىنىدۇ.

لايىقلاشتۇرىلىشى: قۇرۇتۇش ئارقىلىق لايىقلاشتۇرۇلىدۇ.

تەبىئىتى: بىرىنچى دەرىجىدە ھۆل سوغۇق.

خۇسۇسىيىتى: غەيرىي تەبىئىي سەپرا ۋە قان خىلىتىنى تەڭشەش، ئۇسسۇزلۇق پەسەيتىش، ئاغرىق پەسەيتىش، چوڭ تەرەتنى يۇمشىتىش قاتارلىق خۇسۇسىيەتلەرگە ئىگە.

ئىشلىتىلىدىغان كېسەللىكلەر: ئىسسىقتىن بولغان باش ئاغرىقى، قىزىتما، زۇكام، كۆپ ئۇسساش، كۆڭۈل ئىلىشىش، قۇسۇش، قەۋزىيەت قاتارلىق كېسەللىكلەرگە ئىشلىتىلىدۇ.

ئىشلىتىش مىقدارى: 20 ~ 50 گىرامغىچە.

زىيانلىق تەسىرى: سوغۇق مىزاجلىق كىشىلەردە باش ئاغرىقى، باش قېيىش پەيدا قىلىدۇ.

تۈزەتكۈچىسى: گۈلقەنت، ھەسەل.

ئورۇنباسارى: تەمرىھىندى، گىلاس.