تۇنۇش:
ھەرخىل سەۋەپلەردىن دوۋساقنىڭ سۈيدۈكنى بەلگىلىك ۋاقىت ساقلاش ئىقتىدارى ئاجىزلاپ ، كېلىنىكىدا سۈيدۈك تۇتالماسلىق ياكى سىيىپ يېتىش قاتارلىق ئالامەتلەر بىلەن ئىپادىلىنىدىغان مىزاج بۇزۇلۇش خاراكتىرلىك كېسەللىك
دوۋساق ئاجىزلىغى ئۇيغۇ ر تىبابەت كىلاسسىك ئەسەرلەردە ‹ زەئىپى مەسانە ، بەۋلى فىلفىراش، سىلسىلبەۋل › دەپ ئاتىلىدۇ.
سەۋەبى:
(1) خىلىتسىز ھۆل سۇغۇق كەيپىياتنىڭ تەسىرى
(2) تەمسىز بەلغەم خىلىتىنىڭ تەسىرى
(3) تۇغما ئامىللار
(4) بەل ئۇمۇرتقا ئۆسمىسى
(5) سىرىتقى زەخمىلىش
(6) روھى ئامىل قاتارلىق سەۋەپلەردىن كېلىپ چىقىدۇ
ئالامىتى:
سىيىپ يېتىشتا كېچىسى ئۇخلىغاندا ئۆزى بىلمىگە ن ھالدا ئورنىغا سىيىپ ياتىدۇ . سۈيدۈك تۇتالماسلىقتا مەيلى كېچە ياكى كۈندۈز بولسۇن سۈيدۈكنى تىزگىنلەش ئىقتىدارى توسقۇنلۇققا ئۇچراپ ، سۈيدۈك مېڭىپ كېتىش ئالامەتلىرى كۆرۈلۈش بىلەن بىرگە قايسى خىل سەۋەپتىن كېلىپ چىققان بولسا شۇ سەۋەپكە ئالاقىدار ئالامەتلەر قوشۇلۇپ كېلىدۇ.
دىئاگىنوزى:
كېسەل تارىخى ۋە تىپىك ئالامىتىگە ئاساسەن
داۋالاش پىرىنسىپى:
1. مىزاج بۇزۇلۇش سەۋەبىدىن كېلىپ چىققان بولسا تەڭشەش ۋە تازىلاش ئېلىپ بېرىلىدۇ.
2. باشقا كېسەللىكلەر سەۋەبىدىن كېلىپ چىققان بولسا شۇ خىل كېسەلگە قارىتا داۋالاش ئېلىپ بېرىلىدۇ .
3. ئارتۇق ھۆللۈكنى قۇرۇتۇش، پەي مۇسكۇللارنى چىڭىتىش، مىڭە ، نېرۋا ۋە ئومۇمى بەدەننى قۇۋەتلەش مەخسەتتە دورا ئىشلىتىلىدۇ.
داۋالاش ئۇسۇلى:
خىلىتسىز ھۆل سۇغۇق كەيپىيات تەسىرىدىن كېلىپ چىققان بولسا قىزىتىش مەخسەتتە دورا ئىشلىتىلىدۇ. بۇنىڭ ئۈچۈن خولۇنجاننى سوقۇپ ، كەچتە ئۇخلاش ئالدىدا قايناقسۇ بىلەن ئىچىشكە بېرىلىدۇ. زىرە، كۇندۇر، نامازشام گۈلى ئۇرۇغى60 گىرامدىن، ھەسەلدىن مۇۋاپىق مىقداردا ئېلىپ ، مەجۈن تەييارلاپ 10 گىرامدىن ئىستىمال قىلىشقا بېرىلىدۇ. جۆيۈز ياكى تاۋۇز پوستىنى يۇمشاق سوقۇپ ، زىمات تەييارلاپ دوۋسۇن ساھەسىگە چېپىلىدۇ. ئارتۇق ھۆللۈكنى قۇرۇتۇپ، پەي مۇسكۇللارنى چىڭىتىش، مىڭە ، نېرۋا ۋە ئومۇمى بەدەننى قۇۋەتلەش مەخسەتتە ماتىدىلھايات ، مەجۈنى سوم، ئىتىرپىل كەبىر، جاۋارىش زەرئۇنى، جاۋارىش كۇندۇر، جاۋارىش جالىنوس ، جاۋارىش مەستىكى قاتارلىقلار ئىستىمال قىلدۇرلىدۇ.
