ئەينۇلا

ئەينۇلا

ئىلمىي نامى: Fructus prunus mume

باشقا ئاتىلىشى: ئۇجاس، ئالۇبۇخار، ئالۇبۇخارا.

تۈركچە نامى: Jaume

ئىنگىلىزچە نامى: Smoked plum, Dark Plum

خەنزۇچە نامى:乌梅（wu mei）

تونۇش: بۇ، ئەتىرگۈل ئائىلىسىدىكى چاتقال ئۆسۈملۈك ئەينۇلانىڭ مېۋىسى.

چىقىش ئورنى: شەرقىي تۈركىستان قاتارلىق ئوتتۇرا ئاسىيادىكى كۆپ قىسىم دۆلەتلەردىن چىقىدۇ.

يېغىپ ساقلاش: مېۋىسى پىشقاندا ئۈزۈپ، قۇرۇتۇپ ساقلىنىدۇ.

لايىقلاشتۇرىلىشى: قۇرۇتۇش ياكى توغراش ئارقىلىق لايىقلاشتۇرۇلىدۇ.

تەبىئىتى: ئىككىنچى دەرىجىدە ھۆل سوغۇق.

خۇسۇسىيىتى: غەيرىي تەبىئىي سەپرا خىلىتىنى تەڭشەش ۋە پىشۇرۇش، سۈرۈش، ئۇسسۇزلۇق پەسەيتىش، قىزىتما قايتۇرۇش، چوڭ تەرەتنى راۋان قىلىش، قان بېسىمىنى چۈشۈرۈش، قۇرۇق ھۆنى پەسەيتىش قاتارلىق خۇسۇسىيەتلەرگە ئىگە.

ئىشلىتىلىدىغان كېسەللىكلەر:قىزىتما، يۇقىرى قان بېسىم، ئىسسىقتىن بولغان زۇكام، نەزلە، يۆتەل، سەپرادىن بولغان تەپ، قەۋزىيەت  قاتارلىق كېسەللىكلەرگە ئىشلىتىلىدۇ.

ئىشلىتىش مىقدارى: 3 ~ 5 دانىغىچە.

زىيانلىق تەسىرى:سوغۇق مىزاجلىق كىشىلەردە باش قېيىش ياكى يۆتەل پەيدا قىلىدۇ.

تۈزەتكۈچىسى: چۈچۈكبۇيا يىلتىزى، ھەسەل.

ئورۇنباسارى: تەمرىھىندى.