تېرناقتىكى ئۆزگىرىشلەرگە قاراپ كېسەللىكنى پەرق ئېتىش ئۇسۇلى

ساغلام تىرناق ئاچ قىزىل، سىلىق، پارقىراق بولىدۇ. بەدەندە كېسەللىك ئالامەتلىرى كۆرۈلگەن ۋاقىتتا تىرناقنىڭ رەڭگى ئۆزگىرىدۇ. تىرناقتا تۆۋەندىكىدەك ئۆزگىرىشلەر بولغاندا دەرھال دوختۇرخانىغا بېرىپ تەكشۈرتۈش كېرەك.
1. تاتارغان تىرناق: ئوزۇقلۇق ۋە قان يېتىشمىگەندە، تىرناق تاتىراڭغۇ، قانسىز، نېپىز ۋە يۇمشاق بولىدۇ.
2. سارغۇچ كۆكەرگەن ياكى قارامتۇل تىرناق: ئىچكى ئەزالاردا كېسەللىك ئالامىتى كۆرۈلگەن چاغدا تىرناقنىڭ رەڭگى سارغۇچ كۆكىرىدۇ ياكى قارىداپ كېتىدۇ. تىرناق قاتتىق ھەم چۈرۈك بولىدۇ.
3. سىزىقچىلار پەيدا بولغان تىرناق: بۇنداق تىرناق بەدەننىڭ ئاجىزلاشقانلىقىنى، زىيادە چارچاپ روھىي جەھەتتە زەئىپلەشكەنلىكىنى، نېرۋىنىڭ ئاجىزلىشىپ كەتكەنلىكىنى بىلدۈرىدۇ.
4. تۇبېركۇلوز تىپىدىكى تىرناق: بۇنداق تىرناق ياپلاق، يۇملاق ھەم چوڭ بولىدۇ. تىرناقنىڭ رەڭگى سارغۇچ، قارامتۇل كۆرۈنىدۇ.
5. كەڭ، قىسقا، ياپلاق ھالەتتىكى تىرناق: بۇنداق تىرناق ئۈچەي ۋە ئاشقازاندا كېسەل بارلىقىدىن بېشارەت بېرىدۇ.
6. يايسىمان ھالەتتىكى كۆك تىرناق: بۇنداق تىرناق قان ئايلىنىشى ياخشى بولمىغان، يۈرەك كېسىلىگە گىرىپتار بولغان كىشىلەردە كۆپرەك ئۇچرايدۇ.
7. قوڭۇر رەڭلىك تىرناق: بۇنداق تىرناق كۆپىنچە باشمالتاقتا كۆرۈلىدۇ. بۇ بەدەندە يامان سۈپەتلىك ئۆسمە بارلىقىدىن بېشارەت بېرىدۇ.
8. ئاق داغ بار تىرناق: بۇنداق تىرناق ئوزۇقلۇق يېتىشمەسلىك، كالتسىي كەملىك ياكى باشقا كېسەللىك ئالامەتلىرى بارلىقىنى بىلدۈرىدۇ.